Հայազգի դոկտոր Ալլենի տեսությունը քրոնիկական հիվանդությունների բուժման նոր մեթոդ է առաջարկում

Բժշկությունը մինչ օրս չի բացահայտել քրոնիկական հիվանդությունների գաղտնիքը` ինչո՞ւմ են դրանց ծագման պատճառները ու կա՞ն, արդյոք, իրապես ազդեցիկ միջոցներ, որպեսզի մարդկությունը դրանցից մեկընդմիշտ ազատվի:

Գուցե մոտ ապագայում հնարավոր լինի այս գաղտնիքի բացատրությունը վերջապես տալ, քանզի վերջին շրջանում արևմտյան ԶԼՄ-ները անդադար տպագրում են բրիտանացի դոկտոր Սայմոն Ալլենի տեսությունը, որը բացահայտում է քրոնիկական ներքին հիվանդությունների ծագումը:

Բազմամյա դիտարկումների և հետազոտությունների ճանապարհով նա եկել է եզրակացության, որ քրոնիկական բոլոր հիվանդությունների պատճառը մեկն է` գրգռող ազդակին ի պատասխան մազանոթների (կապիլյարների) սպոնտան, անկանոն աճը:

Հայտնի է, որ մազանոթները փոքրագույն անոթներ են, որոնք արյուն են մատակարարում բոլոր բջիջներին` սնելով, մաքրելով ու նորացնելով դրանք: Դրանց աճն այդպիսի կարևոր դեր է խաղում, քանի որ, ըստ էության, մազանոթների թվի մեծացումը նշանակում է հյուսվածքի զանգվածի մեծացում, որն էլ սկսում է ճնշել շրջակա հյուսվածքներին` հարուցելով հիվանդություն:

Քրոնիկական հիվանդությունների զարգացման վերաբերյալ  դոկտոր Ալլենի բացահայտած մեխանիզմը հետևյալն է. մազանոթները, ի պատասխան գրգռող ազդակի, սեղմվում են: Սեղմված մասն արյունազրկվում է, ստանում քիչ սննդանյութ, ջերմաստիճանն իջնում է, ինչը հանգեցնում է մազանոթների սպոնտան աճի` այդ մասում արյան շրջանառությունը կրկին ուժեղացնելու նպատակով:

Տվյալ միկրո մակարդակում ջերմաստիճանը վերականգնելու համար տեղի է ունենում մազանոթների նոր, լրացուցիչ սպոնտան աճ, ինչը, փաստորեն, նշանակում է նոր հյուսվածքի գոյացում` զանգված, որը սկսում է ճնշում գործադրել, ինչի հետևանքով էլ նոր զանգվածը դժվարեցնում է արյան շրջանառությունը, օրգանի ջերմաստիճանն իջնում է, ինչը հանգեցնում է մազանոթների հետագա, հավելյալ սպոնտան աճի: Այս փակ շրջանն էլ հենց քրոնիկական ներքին հիվանդության զարգացման ընթացքն է, որը բնորոշվում է հյուսվածքի սպոնտան աճով և օրգանի հյուսվածքներում ճնշման մեծացումով:

Այս տեսության հիման վրա դոկտոր Ալլենը ստեղծել է բոլոր քրոնիկական հիվանդությունների բուժման նոր, առաջավոր մեթոդ` Թերմոբալանսային թերապիան, որը հիմնվում է քրոնիկական հիվանդությունների առաջացման պատճառի բուժման վրա: Այն թույլ է տալիս բարելավել միոկարդի վիճակը սրտի իշեմիկ հիվանդության ժամանակ, կանգնեցնել շագանակագեղձի ադենոմայի աճը և նույնիսկ փոքրացնել նրա չափերը, տարրալուծել երիկամի քարերը և վերացնել մեջքի ու գոտկատեղի ցավերը: Հատկանշական է, որ դրա համար բոլորովին կարիք չկա դեղեր ընդունելու կամ վիրահատական միջամտության դիմելու` սարքերը, որ նա ստեղծել է, բուժում են բնական թերմոէլեմենտով, որոնք բոլորովին անվնաս են մարդու համար: Նախևառաջ դոկտոր Ալլենի սարքերը և դրանց միջոցով իրականացվող թերմոբալանսային թերապիան ուղղված են ոչ միայն սիմպտոմների թեթևացմանը, այլև մազանոթների մակարդակով հիվանդության բուն պատճառի բուժմանը: Վերջինս էլ հենց հանդիսանում է բուժման այս բնական մեթոդի արդյունավետության պատճառը:

Դոկտոր Ալլենի, ով, ի դեպ, հայ է, սարքերի վերաբերյալ իրենց գնահատականն են հնչեցրել Մեծ Բրիտանիայի առաջադեմ մասնագետները (դրանց կարելի է ծանոթանալ այստեղ: Ի դեպ, Օքսֆորդի Նորարարական Կենտրոնի ներկայացուցիչները ևս հետաքրքրվել են Թերմոբալանսային թերապիայի կիրառման դրական արդյունքներով ):

Ինչպես Panorama.am-ին հայտնեց դոկտորի ներկայացուցիչը Հայաստանում` դրանք դեղամիջոց չեն հանդիսանում, ինչը նշանակում է, որ դրանց համար լիցենզիա հանել պարտադիր չէ. «Սարքերը շատ թեթև են, մատչելի և մարդկանց չեն խանգարում իրենց առօրյա կյանքում: Սարքերի կողմից արտադրվող էներգիան բուժում է այն օրգանները, որոնց դրանք ուղղված են»,- մեզ հետ զրույցում նշեց դոկտորի ներկայացուցիչը:

Օրինակ, սարքերից մեկը նախատեսված է սրտի իշեմիկ հիվանդության բուժման համար և իր մեջ է պարունակում թերմոէլեմենտից: Այն տեղակայվում է հատուկ ներքնաշապիկի գրպանիկում, որպեսզի հպվի մաշկին սրտի ձախ փորոքի և գագաթի պրոյեկցիայի հատվածում` այն սրտի ամենախոցելի հատվածն է սրտի իշեմիկ հիվանդության զարգացման ժամանակ:

Բացի այս, սարքերից մեկը նախատեսված է քրոնիկական պրոստատիտի և շագանակագեղձի ադենոմայի բուժման համար: Գոտին, որը պահում է թերմոէլեմենտը պոչուկի շրջանում, պատրաստված է փափուկ նեոպրենից, այն թույլ է տալիս գոտուն թերմոէլեմենտը սեղմորեն հպել մարմնին, ինչի արդյունքում հիվանդները նույնիսկ չեն զգում, որ գոտի են կրում և լուրջ բուժման ընթացքում են: Ըստ մասնագետի` շատ տղամարդիկ չեն էլ նկատում, թե ինչպես են ցավն ու այլ ախտանիշներն անցնում:

Թերմոբալանսային թերապիան բուժման անկախ, ինքնուրույն մեթոդ է, որը թույլ է տալիս օպտիմալ կերպով օգտագործել մարդու ներքին ռեսուրսները` իր իսկ հիվանդությունների բուժման նպատակով: Դրա սկզբունքը բնաբուժությունն է, որը մաքրում է օրգանները բորբոքումից և անպետք հյուսվածքներից` մազանոթների մակարդակով բարելավելով արյան շրջանառությունը:

Panorama.am -ը ներկայացնում է ոլորտը, իսկ մասնագիտական պատասխանատվությունը նյութի հերոսինն է:

Հարցեր, պատասխաններ, մեկնաբանություններ