Հայաստանում աշխարհի 7 միլիարդերորդ բնակիչը երկու շաբաթ շուտ է ծնվել

Այս գիշեր, ժամը 00.20-ին Արթիկի «Մոր և մանկան առողջության պահպանման կենտրոնում ծնվել է աշխարհի 7 միլիարդերորդ բնակիչը: Վահրամ Ոսկանյանը ծնվել է 2 կիլոգրամ 900 գրամ քաշով, 50 սանտիմետր հասակով: Երեխայի մայրը տնային տնտեսուհի է, հայրն արտագնա աշխատանքի է Ռուսաստանում, ով լսելով բարի լուրը, մտադիր է երկու օրից վերադառնալ: 7 միլիարդերորդ երեխան լույս աշխարհ է եկել ժամկետից 2 շաբաթ շուտ, գիշերը 00:20-ին: Այդ օրն Արթիկի ծննդատանն այլ երեխա չի ծնվել: Փոքրիկն առողջ է, իրեն լավ է զգում:

«Երեխան ՄԱԿ-ի բնակչության հիմնադրամից մի մեծ փաթեթ խնամքի պարագաներ է ստացել, իսկ Արթիկի քաղաքապետն էլ երեխայի կնքահայրն է դարձել ու էլի նվերներով պարգևատրելե,- Tert.am-ին տեղեկացրեց ՄԱԿ-ի բնակչության հիմնադրամի հաղորդակցության գծով պատասխանատու Մհեր Մանուկյանը:

Արթիկի քաղաքապետարանը ոչ միայն 7 միլիարդերորդ բնակչին, այլև այդ պահին Արթիկի «Մոր և մանկան առողջության պահպանման կենտրոնումե գտնվող բոլոր մայրերին է նվերներ հանձնել:

Կենտրոնի տնօրենը տեղեկացրել է, որ բազմաթիվ կազմակերպություններ ու անհատներ են զանգահարում ծննդատուն և փոքրիկին որևէ կերպ աջակցելու ցանկություն են հայտնում:

Երկիր մոլորակի 7 միլիարդերորդ բնակչի ծնունդը նշանավորվեց նաև Արթիկի «Մոր և մանկան առողջության պահպանման կենտրոնե-ի պատմության մեջ: ՄԱԿ-ի բնակչության հիմնադրամն ու «Վերարտադրողական առողջության պերինատալոգիայի և գինեկոլոգիայի ինստիտուտըե համատեղ Արթիկի «Մոր և մանկան առողջության պահպանման կենտրոնե-ին նվիրել են էխոգրաֆիկ ուլտրաձայնային սարքավորում, որը կենտրոնը մինչ այդ չուներ:

Նշենք, որ ՄԱԿ-ի բնակչության հիմնադրամի որոշմամբ, հոկտեմբերի 30-ի լույս 31-ի գիշերը յուրաքանչյուր երկրում ծնված առաջին երեխան համարվում է աշխարհի յոթ միլիարդերորդ բնակիչը:

ՄԱԿ-ի կողմից Արթիկի տարածաշրջանը պատահական չի ընտրվել: Այն նպատակ ունի ուշադրություն հրավիրել տարածաշրջանի վրա մասնավորապես խթանել այստեղ ծնելիության մակարդակի բարձրացումը:

Նշենք, որ համաձայն Միավորված ազգերի կազմակերպության հաշվարկների՝ աշխարհի բնակչությունը 7 միլիարդի սահմանն անցնում է 2011 թ. հոկտեմբերի 31-ին: Քանի որ ճշգրտորեն հաշվարկել, թե որտեղ է ծնվելու և ով է լինելու 7 միլիարդերորդ երեխան, գործնականում հնարավոր չէ, 2011 թ. հոկտեմբերի 31-ին աշխարհի երկրներում՝ այդ թվում Հայաստանում, տոնում են «7 միլիարդի օրը»՝ ընտրելով իրենց խորհրդանշական 7 միլիարդերորդ մանկիկին:

Հարցեր, պատասխաններ, մեկնաբանություններ